Berlusconi del nga reanimacioni, vijon i shtruar në spitalin në Milano 

Ish-kryeministri italian Silvio Berlusconi, i cili vuan nga leucemia kronike, ka dalë nga reanimacioni, por është ende në një spital në Milano, tha sot vëllai i tij Paolo Berlusconi.

“Gjithçka është në rregull, ai është jashtë kujdesit intensiv,” raporton gazeta Corriere della Sera ndërsa citonte Paolo Berlusconin përpara se të vizitonte vëllain e tij 86-vjeçar në spital.

Spitali refuzoi të komentonte mbi këto pretendime, por tha se do të publikonte një buletin mjekësor për gjendjen e Berlusconit nesër.

Më 5 prill, Berlusconi u shtrua në spital për shkak të pneumonisë dhe gjatë shtrimit në spital, mjekët e tij zbuluan se ai vuante nga leucemia kronike.

LEXONI GJITHASHTU:

• Dita e 6 e Berlusconit në spital me leuçemi, si është gjendja e tij
• U diagnostikua me leuçemi, Berlusconi flet nga spitali: Do t’ia dal dhe kësaj radhe