Beton në pistën e Bahrein, komisarët e FIA-s marrin vendim drastik në Sakhir

Ujëmbledhësit e pistës në Bahrain do të mbushen me beton për garën e 1 të F1. Kjo pas problemeve të shkaktuara në ditën e 2-të dhe të 3-të në testimet zyrtare në kthesën numër 11 e cila dëmtoi makinat e Red Bull, Ferrarit dhe Mercedes.

Gjithçka për shkak të fuqisë aerodinamike në pjesën e poshtme të makinave. Në Bahrain ky problem ndodh përpara kthesave në të majtë ku makinat spostohen djathtas në hyrje për të përftuar më shumë fuqi dhe nxehtësi në pjesën abrazive të asfaltit. Në ditën e 2-të i pari që e hasi këtë problem ishte Charles Leclerc i ndjekur nga rivali aktual në Mercedes, Lewis Hamilton.

I mbikqyrur nga drejtori i garës Niels Wittich, riparimi i mori 90′ kohë por në ditën e 3-të, difekti u përsërit sërish pas 27’ me Red Bullin e  Sergio Perez. Këtë herë koha e riparimit ishte 75 minuta duke shtyrë sërish kohën e testimeve dëri në orën 7 të pasdites.

LEXONI GJITHASHTU:

• Makinë agresive për sezonin e ri, riorganizohet Alpine F1 dhe konfirmon pilotët
• Ferrari prezanton “bishën” e re, shkon në 7 numri i makinave të prezantuara në F1
• Hamilton akord me Ferrarin, britaniku i jep “duart” Mercedesit pas 1 dekade