Norris në pole, Mclaren drejt titullit

I fundit pole position i vitit 2024 në Formula 1 i përket Lando Norris. Anglezi vendosi kohën më të shpejtë në Abu Dhabi aty McLaren monopolizoi rradhën e parë të nisjes falë vendit të dytë të Oscar Piastri-t. Ndërsa Ferrari duhet të ndjekë.

Skuadra nga Maranello “kënaqet” me vendin e 3-të për Carlos Sainz por vuan eleminimin e Charles Leclerc në sesionin e 2-të: Piloti monegask vendosi kohën më të mirë por ajo u fshi për kalimin e limiteve të pistës.

Në këtë mënyrë ai do të niset i fundit për shkak të penalizimit me 10 vende për shkak të zëvendësimit të batërisë. McLaren ka tashmë një tapet drejt titullit të konstruktorëe, ku aktualisht ka një diferencë prej 21 pikëve ndaj rivalëve nga Maranello.

Në rradhën e dytë me Sainz do të niset Nico Hulkenberg me një Haas befasues që la pas kampionin e Botës Max Verstappen. I 5-ti pas një kontrolli perfekt të makinës pas një devijimi në shpejtësi maksimale. Pierre Gasly, George Russell, Fernando Alonso, Valtteri Bottas dhe Sergio Perez plotësuan në këtë rend, 10 vendet e para.

I hidhur ky sesion provash për Lewis Hamilton që do të niset nga vendi i 18-të. Bashkë me të u eleminuan Alexander Albon, Zhou Guanyu, Franco Colapinto e Jack Doohan.

LEXONI GJITHASHTU:

• Formula 1, Norris vendosi Pole Position nën shiun e Sao Paulos
• Formula 1 – Ja çfarë mësuam nga “2024 Brazilian Grand Prix”