F1 | Lajmi i fundit

Verstappen triumfon në “Qatar Grand Prix”

1 Dhjetor 2024 | 20:01

Holandezi Max Verstappen kreu një paraqitje prej kampioni duke fituar garën e 63 në karrierë në “Qatar Grand Prix 2024”. Një garë që kërkoi tre herë “Safety Car”, dha penalitete të panumërta, detyroi Lando Norris të zbriste në fund dhe të zhvillonte një sulm të plotë në xhirot e fundit.

Pasi humbi me një vend “pole position” për ngadalësim të panevojshëm në Provat Zyrtare, Verstappen rimori kreun pas një dueli me George Russell dhe Lando Norris në kthesën e parë. Nuk kaloi shumë dhe “Safety Car” u duk në pistë pas incidentit që përfshiu Franco Colapinto-n, Esteban Ocon dhe Nico Hulkenberg.

Nisja e dytë e garës e pa sërish Norris në sulm për kreun ndaj Verstappen por 4 herë Kampioni i Botës rezistoi duke dominuar deri në fund. Një podium thuajse i sigurtë, i shpëtoi Norris nga duart për shkak të një penaliteti me 10 sekonda për shpejtësi të lartë në regjimin e flamurit të verdhë.

Një betejë e panevojshme për të që e shpërbleu me hyrjen në zonën e pikëve. Charles Leclerc dhe Ferrari u renditën të dytët, 6 sekonda pas Verstappen ndëra podiumin e plotësuan McLaren dhe Oscar Piastri. Russell ishte piloti i vetëm në zonën e pikëve për Mercedes përpara Alpine dhe Pierre Gasly që rezistuan ndaj sulmeve të vazhdueshme të Carlos Sainz.

Spanjolli i mbijetoi çarjes së gomës dhe mbajti pas patriotin Fernando Alonso që mori pikë të vlefshme për Aston Martin përpara Zhou Guanyu që realizoi pikët e shumëpritura për Kick Sauber. Piloti kinez u zgjodh gjithashtu edhe Piloti i ditës nga tifozët.

Kevin Magnussen u rendit në vendin e 9 për Haas ndërsa Norris mori pikën e vetme të vendit të 10. Lewis Hamilton shley dy penalitete gjatë garës dhe përfundoi i 12 përpara binomit të RB, Yuki Tsunoda dhe Liam Lawson. Një tjetër fundjavë për tu harruar për Sergio Perez që pasi humbi kontrollin e makinës u detyrua të braktisë përfundimisht garën.

LEXONI GJITHASHTU