Biden dekoron Wintour, Bono dhe Soros me Medaljen Presidenciale të Lirisë
Botuesja e revistës “Vogue”, zonja Anna Wintour, vokalisti i grupit U2, Bono dhe miliarderi George Soros janë mes atyre që kanë marrë nderimin më të lartë civil të Amerikës, nga presidenti në ikje Joe Biden.
Ish-sekretarja e Shtetit, Hillary Clinton u bashkua me aktorët Denzel Washington dhe Michael J Fox, të cilët morën gjithashtu Medaljen Presidenciale të Lirisë në një ceremoni të zhvilluar në Shtëpinë e Bardhë.
Në tërësi gjatë këtij viti janë 19 personat që janë dekoruar me medaljen në fjalë, për merita të veçanta në fushën e kulturës, politikës dhe aktivizmit.
Shtëpia e Bardhë deklaroi se marrësit e çmimit prestigjioz ishin zgjedhur pasi janë njerëz të mirë që kanë dhënë kontribute të jashtëzakonshme për vendin e tyre dhe mbarë botën.
“Së bashku, ju po lini gjurmë të jashtëzakonshme dhe jam i sinqertë kur them se këto gjurmë janë një kontribut për vendin tonë”, deklaroi Biden në ceremoninë e mbajtur ditën e shtunë.
Këngëtari Bono, emri i vërtetë i të cilit është Paul David Hewson, është i njohur për fushatën kundër varfërisë dhe mbështetjes së personave të infektuar me HIV/AIDS.
Edhe Wintour, një nga ikonat e modës, ka punuar si kryeredaktore e “Vogue” që prej vitit 1988 dhe përmes akteve të bamirësisë ka ndihmuar në mbledhjen e 20 milionë dollarëve për kërkimet e antivirusit të AIDS.
Filantropi George Soros u vlerësua për mbështetjen e organizatave dhe projekteve që forcojnë demokracinë nëpër botë.
Ylli i kinemasë së viteve ’90, Michael Jay Fox u vlerësua për mbështetjen e tij në kërkimet shkencore për kurën ndaj parkinsonit.
Biden i rezervoi ndërkohë një përqafim vëllazëror aktorit tjetër Denzel Washington, pasi i dorëzoi medaljen. Ndërsa Hillary Clinton u prit me ovacione nga të pranishmit kur i erdhi radha.
LEXONI GJITHASHTU:
Kryefaqja
Zjarret në Spanjë përfshijnë observatorin kryesor të NASA-s, evakuohet kompleksi i komunikimeve hapësinore (VIDEO)
Dy akademikë kinezë marrin për herë të parë çmimin më të lartë në matematikë për zgjidhjen e problemeve shekullore
Antonio Guterres takon Presidentin sirian Ahmad al-Sharaa, vizita e parë zyrtare e një shefi të OKB-së në 17 vjet
- 13:17 Zjarret në Spanjë përfshijnë observatorin kryesor të NASA-s, evakuohet kompleksi i komunikimeve hapësinore (VIDEO)
- 12:58 Reforma territoriale, Berisha: Rama po bën gjithçka për konfrontim, ftoj qytetarët të protestojnë për këtë çështje
- 12:44 “Dyfisho Sipërmarrjen Tënde”, Koçiu: Kredi deri në 2 milionë euro për bizneset
- 12:23 Dy akademikë kinezë marrin për herë të parë çmimin më të lartë në matematikë për zgjidhjen e problemeve shekullore
- 12:14 Legjenda holandeze Van Bommel emërohet trajneri i ri i Belgjikës
- 11:57 U kapën në lokal me armë zjarri, municion luftarak dhe lëndë narkotike. Në pranga 3 persona në Shkodër