Biden: Mbështetje ndaj grave që ndryshojnë shtet për të kryer abordin

Qeveria federale amerikane do t’i mbrojë gratë që udhëtojnë për abort. Lajmin e bëri të ditur presidenti Joe Biden gjatë një takimi virtual me guvernatorët demokratë.

Reagimi i tij erdhi pas vendimit të Gjykatës Supreme për të zhbërë ligjin e mëparshëm që i lejonte çdo shteti të vendoste nëse praktika shëndetësore mund të realizohej.

“Nëse guvernatorët ekstremistë përpiqen ta bllokojnë një grua që udhëton nga shteti në shtet për të marrë ndihmën mjekësore që i duhet, atëherë qeveria federale do të veprojë për ta mbrojtur të drejtën themelore të kësaj gruaje përmes zyrës së Prokurorit të Përgjithshëm. Së dyti, nëse shtetet përpiqen të bllokojnë një grua të marrë ilaçin e aprovuar nga FDA prej 20 vjetësh, administrata ime do të veprojë për ta mbrojtur të drejtën e asaj gruaje për ta marrë ilaçin”, u shpreh Biden, president i Shteteve të Bashkuara.

Biden inkurajoi guvernatorët që ta mbështesin atë në sigurimin e shumicës në zgjedhjet e mesmandatit që mbahen në nëntor, në mënyrë që ai t’i japë fund votimeve të tejzgjatura në Senat dhe të kodifikojë të drejtat e abortit.

Rrëzimi i ligjit 50-vjeçar që lejonte abortin ka tronditur mbarë Shtetet e Bashkuara. Që prej vendimit, 13 shtete kanë bllokuar ose reduktuar aksesin në këtë shërbim.

Gjithashtu, një sondazh i ri ka treguar një rritje të përqindjes së amerikanëve që bëjnë thirrje për trajtimin e abortit me prioritet nga qeveria.

LEXONI GJITHASHTU:

• Biden: Lufta në Ukrainë ka dëmtuar Rusinë
• Lavrov: NATO kërkon armik të jashtëm për të justifikuar ekzistencën e saj