Rusia ka filluar pushtimin e Ukrainës, thotë Biden

Presidenti amerikan Joe Biden beson se Vladimir Putini po krijon një arsyetim për të shkuar shumë më tej dhe për të marrë më shumë territor ukrainas me forcë.

“Ky është fillimi i një pushtimi rus të Ukrainës”, tha ai, duke iu referuar fjalimit të Putinit të hënën dhe autorizimit të Dumës për të dërguar trupa në Donbas.

Në një fjalim të martën presidenti amerikan njoftoi sanksionet e para për Rusinë.

Ai shpalli sanksione për borxhin sovran.

Biden u shpreh se kjo do të thotë shkëputje e qeverisë ruse nga financat perëndimore.

“Rusia nuk mund të mbledhë më para nga Perëndimi”, tha Biden.

Ai shtoi se SHBA do të vazhdojë të “përshkallëzojë sanksionet” nëse Rusia vazhdon të përshkallëzojë veprimet e saj në Ukrainë.

LEXONI GJITHASHTU:

• Biden darkord në parim për një samit me Putinin
• Biden: Putin ka vendosur të pushtojë Ukrainën