Bie çmimi i naftës, me sa do të tregtohen karburantet

Bordi i Transparencës ka publikuar këtë të martë vendimin e marrë në lidhje me tregtimin e karburanteve në vend.

Çmimi i shitjes me pakicë për naftën do të jetë jo më shumë se 200 lekë/litri, ndërsa i shitjes me shumicë jo më shumë se 188 lekë/litri.

Çmimi i naftës në pompë shënon një ulje 6 lekë për litër nga çmimi i vendosur së fundmi nga Bordi i Transparencës.

Çmimi i shitjes me pakicë i benzinës do të jetë 190 lekë/litri, duke shënuar një ulje me 1 lek për litër.

Ndërkohë që çmimi i shitjes me pakicë i gazit do të jetë 69 lekë/litri me pakicë dhe i shitjes me shumicë 57 lekë/litër për automjetet, duke qëndruar në të njëjtat nivele.

Çmimi i gazoilit për peshkim është vendosur 106 lekë/litër, duke pësuar një ulje me 10 lekë për litër.

Bordi bën me dije se çmimet e reja do të hyjnë në fuqi në datë 31 Janar, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

LEXONI GJITHASHTU: 

• Gjendet i pajetë në një kanal në Vlorë 51 vjeçari nga Kukësi
• Gjen sozinë në Instagram dhe e vret, shqiptari ndihmon shoqen të inskenojë vdekjen