“Bie” kryeministri populist në Poloni, Tusk më shumë shanse të formojë qeverinë

Partia populiste e krahut të djathtë “Ligj dhe Drejtësi” është në rrugën e duhur për të fituar shumicën e votave në zgjedhjet e përgjithshme të Polonisë, sipas exit-polleve.

Megjithatë kjo forcë politike nuk ka gjasa të sigurojë një mandat të tretë e vetme.

Nëse të dhënat janë të sakta, atëherë “Koalicioni Qytetar” i Donald Tusk ka një shans më të mirë për të formuar një koalicion.

Ai synon t’i japë fund sundimit tetë vjet të PiS nën udhëheqësin Jaroslaw Kaczynski. Kreu i PiS pranoi se nuk e dinte nëse “suksesi i partisë do të mund të shndërrohet në një mandat tjetër në pushtet”.

Rezultatet fillestare i japin PiS epërsinë, por ato pasqyrojnë qytetet e vogla dhe fshatrat që janë bastione partiake. Sidoqoftë, një sondazh i dytë i Ipsos i publikuar të hënën në mëngjes përforcoi sondazhin e tij të parë të dielën në mbrëmje.

“Polonia fitoi, demokracia ka fituar,” tha Tusk, 66 vjeç, një turme të madhe mbështetësish të ngazëllyer në atë që ndihej si një tubim fitoreje në Varshavë.

“Ky është fundi i kohërave të këqija, ky është fundi i qeverisë së PiS”.

LEXONI GJITHASHTU:

• Përplasje e fortë brenda BE-së, Francë-Gjermani kundër Poloni-Hungari
• BE debate për emigracionin, Hungaria dhe Polonia: S’do ta pranojmë kurrë reformën