Bie vlera e zyrave, puna nga shtëpia zhvlerëson qendrat tregtare, 80% më lirë

Çmimet e zyrave dhe ndërtesave që përdoren për qëllimet tregtare kanë pësuar ulje në San Francisko.

Puna nga shtëpia është arsyeja pse ofertë-kërkesa ka rënë në një prej qyteteve më të mëdha të SHBA-ve.

Përpara pandemisë, San Fransisko ishte qendra e shumë zyrave të bizneseve dhe bankave me peshë të rëndësishme për ekonominë globale. Një nga këto godina ishte pikërisht një ndërtesë 22 katëshe e cila vlente 300 milion dollarë, e ndërsa sot shitet pak më shumë se 60 milionë, pra rreth 80% më pak sesa vlera e saj fillestare.

Ndryshimi i dinamikave të punës pas pandemisë, ka vazhduar edhe me mbarimin e krizës së COVID-it, ku tashmë shumë njerëz dhe kompani janë pajtuar, që puna të kryhet nga shtëpitë.

Ky fenomen ka ndikuar negativisht në tregun e pasurive të patundshme, ku në SHBA këto godina dhe zyra po humbasin vlerën e tyre në treg dita ditës.

San Francisko, është prekur më shumë nga ky fenomen, pasi ky qytet është baza e shumë bizneseve të sektorit informatik dhe teknologjik, i cili ka qenë ndër të parët që ka adoptuar mënyrën të ashtuquajtur “hibride” të së punuarit

LEXONI GJITHASHTU:

• Policia belge dhe gjermane bastis Zyrat e Partisë Popullore Evropiane
• Bastisen zyrat e BBC-së në Indi, ja arsyeja