Biografia e Hashim Thaçit nga dy gazetarët britanikë, përkthyer nga Arta Dade

U promovua biografia e 2 gazetarëve britanikë për HashimThaçin, i shqipëruar nga Arta Dade.

“Shtet i ri, burrë shteti modern”, biografia kushtuar Hashim Thaçit me bashkëautorësi nga dy gazetaret britanikë, Roger Boyes dhe Suzy Jagger u promovua në bibliotekën e Kryeministrisë, në pragun e 25 vjetorit të konferencës së Rambujesë.

Me librin “Shtet i ri, burrë shteti modern’, dy gazetarët anglez Roger Boyes dhe Suzy Jagger, ndërtojnë jo thjesht një biografi për Hashim Thaçin, por edhe një panoramë të Luftës së Ushtrisë Çlirimtare të Kosovës.

Botimi, prek të gjitha etapat e jetës së ish presidentit, me të cilin Kosova arriti ngjarjet më të rëndësishme nga udhëheqja e shqiptarëve në Rambuje, ndërhyrja e NATO-s te deklarata e Pavarësisë.

Që kur ishte djalë i ri, ende pa mbushur të tridhjetat, ai kryesoi delegacionin shqiptar të Kosovës në konferencën ndërkombëtare në Kështjellën e Rambujesë në Francë.

Fati i Kosovës ishte në dorë të aftësive të admirueshme të Thaçit për të bindur kolegët e tij luftëtarë të bënin kompromis, një detyrë jo e lehtë për ata në terren, të cilët ishin bërë dëshmitarë të krimeve çnjerëzore të kryera nga forcat serbe.

LEXONI GJITHASHTU:

• Rusia i kërkon Gjykatës Speciale në Hagë që ta dënojë Hashim Thaçin
• Joe Biden dëshmitar për Hashim Thaçin? Avokati sqaron gjithçka