Bisedë telefonike mes liderëve evropianë dhe Trump, në fokus paqja për Ukrainën

Presidenti francez Emmanuel Macron dhe udhëheqës të tjerë evropianë diskutuan zgjidhjen e konfliktit ukrainas me Presidentin e SHBA-së Donald Trump, tha Macron gjatë një takimi me lexuesit e Ouest-France në qytetin francez Saint-Malo.

“Isha në bashkinë e Saint-Malo për të zhvilluar një telefonatë me kolegët e mi dhe Presidentin Trump për të diskutuar për Ukrainën. Patëm një bisedë 40-minutëshe për të ecur përpara në këtë çështje që na shqetëson të gjithëve”, tha Macron në një fjalim të transmetuar në faqen e tij X.

Presidenti francez nuk dha detaje të mëtejshme rreth bisedës.

AFP, duke cituar Pallatin Elysee, raportoi se në telefonatë morën pjesë edhe kryeministri i Mbretërisë së Bashkuar Keir Starmer dhe kancelari gjerman Friedrich Merz.