Bjellorusia kërcënon Perëndimin, Lukashenko: Do rikthejmë armët bërthamore

Bjellorusia po kërkon vendosjen e armëve bërthamore në territorin e saj për t’u përgatitur për një konflikt me vendet perëndimore.

Kështu deklaroi Aleksandër Lukashenko gjatë fjalimit të tij para kombit dhe parlamentit. Ai theksoi se kishte kohë që e kishte negociuar një gjë të tillë me Moskën.

“I intensifikova, me këmbëngulje, negociatat me presidentin rus Putin për kthimin e armëve bërthamore në Bjellorusi. Domethënë kthimi i armëve bërthamore, të cilat u tërhoqën me garanci në vitet ’90 pa sanksione, pa presion, pa planifikim ofensivash dhe revolucionesh. Gjithçka është nëpërkëmbur, të gjitha angazhimet janë thyer”, u shpreh Lukashenko

Pas rënies së Bashkimit Sovjetik, sipas Ministrisë së Jashtme, pothuajse 600 raketa me rreze të mesme dhe të shkurtër u tërhoqën nga territori bjellorus. Para kësaj, republika priti një grupim forcash strategjike deri në 40 mijë persona me një nga arsenalet më të mëdha në botë të armëve bërthamore. Më 25 mars, presidenti rus Vladimir Putin njoftoi synimin e tij për të vendosur armë taktike bërthamore në territorin Bjellorusi.

LEXONI GJITHASHTU:

• Gati të përfshihemi në luftë, Lukashenko: Konflikti nisi për faj të Perëndimit
• Putin do të takohet me Lukashenkon të premten, thotë Kremlini