Blegtorët e jugut sërish në protestë/ Peticion Ministrisë: S’janë plotësuar kërkesat

Për të katërtën herë blegtorët e Jugut kanë protestuar serish, në vendin e quajtur Ura e Kardhiqit.

Sipas blegtorëve kërkesat e tyre nuk janë plotësuar.

Ata kanë firmosur një peticion drejtuar Ministrisë së Bujqësisë me kërkesat për rritjen e çmimit të qumështit, dyfishimin e subvencioneve, transparencë në ndarjen e kullotave dhe investimet për veprat ujitëse në blegtori.

“Nga ana e ministrisë ne kërkojmë pikë e parë rigjenerimi i kullotave dimërore, të cilat kanë dalë jashtë përdorimit dhe nuk janë funksionale, kërkojmë që të merret mendimi edhe i specialistëve të vjetër të cilët kanë eksperiencë pune, kërkojmë me çdo kusht rregullimin e trsgut të çmimit të mishit, ku ti dihet origjina dhe mishi i importit që tregëtohet nuk mund të tregëtohet për mish vendi dhe bio.”

“Ka investuar për thertore miliarda lekë, me çfarë do të furnizohet, ku i merr, vjen kasapi tek unë dhe thotë po do, po s’do, sa i do zemra, çfarë roli luan ajo thertore kur nuk marrin lekë nga ne.”

Blegtorët e Jugut do të vazhdojnë protestat për plotësimin e kërkesave të cilat i cilësojnë të domosdoshme për zhvillimin e sektorit të blegtorisë në Jug të vendit.

LEXONI GJITHASHTU: 

• Diaspora ruse kërkon përgjigje për shkakun e vdekjes së Alexey Navalnyt
• Gjykata në Brazil 48 mln $ gjobë kompanisë që hapi “kantierin e vdekjes”