Blegtoria në Shqipëri në krizë/ Fermerët në Llakatund listojnë problematikat

Pavarësisht rritjes së kostove për rritjen e dhenve, fermerët në fshatrat e Vlorës vijojnë të ushtrojnë veprimtarinë e tyre në kushte kritike.

Sahit Kapaj, i cili posedon një fermë në Llakatund të Vlorës tregon se një nga problemet mbetet mungesa e fuqisë punëtore.

“Kam rreth 600 krerë, dele mjelëse dhe 200 qengja për rimond, ne për momentin kemi problem fuqinë punëtore”- u shpreh Sahit Kapaj.

Si pasojë ai është detyruar të punësojë nëpërmjet një agjensisë shtetas nga India dhe Pakistani.

“Po më pëlqen shumë kjo punë”-shprehet indiani.

Gjithashtu blegtorët, këtë fillim vit, janë të detyruar ta shesin qumështin 33% më lirë, pasi ka një kërkesë të ulët në markete dhe fabrikat janë plot me stoqe. Kjo përbën një ngërç në ekonominë e të gjithë qarkut.

“Çmimi i qumështit për litër, do të thotë për ne është një rënie goxha e madhe, ne aty e kemi syrin se pjesa tjetër janë shpeza”- tha Kapaj.

Mungesa e subvencioneve dhe ngarkesa e lartë fiskale në të gjithë zinxhirin e prodhimeve blegtorale i kanë detyruar shumë profesionistë të fushës të mbyllin fermat e tyre. Në Llakatund ndodhen aktualisht vetëm dy ferma me nga 600 krerë secila.

LEXONI GJITHASHTU: 

• Euro bie sërish, arrin në nivelet më të ulëta vjetore
• Verstappen humbet një aleat nga Red Bull