Blinken bisedon me Kurtin situatën në veri të Kosovës

Sekretari amerikan i Shtetit, Antony Blinken, ka zhvilluar bisedë  telefonike me kreun e qeverisë së Kosovës Albin Kurti.

Lajmin e ka bërë vet me dije në një postim në rrjetet sociale, ku thotë se nxiti de-përshkallëzimin e situatës në veri të Kosovës dhe një kthim të menjëhershëm të dialogut.

“Sot fola me kryeministrin e Kosovës Albin Kurti për të nxitur de-përshkallëzimin në veri të Kosovës dhe një kthim të menjëhershëm në Dialogun e lehtësuar nga BE-ja. Plani me tre pika i BE-së është rruga përpara”-tha ai.

Ditën e djeshme presidenti i Serbisë, Aleksandër Vuçiç, po ashtu njoftoi se kishte biseduar me sekretarin Blinken.

Blinken ka insistuar në qetësimin e situatës në veri të Kosovës dhe ka mbështetur planin evropian për shtensionim, tha Vuçiq pas bisedës me kryediplomatin amerikan.

Siç tha Vuçiç përmes një postimi në Instagram, gjatë bisedës me Blinkenin, ai ka kërkuar lirimin e serbëve të arrestuar në veri të Kosovës.

LEXONI GJITHASHTU: 

• Bushati: Rama si kryeministër i Qipros, lobon për Vuçiçin nëpër botë
• Andi Bushati: Video-skandalet e Gjicit kur shfaqej duke shpërndarë para me thes