Blinken: Jemi të fokusuar në lirimin e pengjeve

Sekretari amerikan i shtetit Antony Blinken thotë se krerët janë mbledhur sot në Lindjen e Mesme, për të ndarë ” të njëjtin interes themelor” dhe objektivi i tyre është të arrijnë paqen.

“Gjatë gjithë këtij konflikti vendet në mbarë botën kanë luajtur një rol thelbësor në parandalimin e përhapjes së tij,” thotë ai, duke shtuar “të gjithë ne kemi një interes të drejtpërdrejtë në këtë”.

Zyrtari amerikan thotë se vendi i tij është “i fokusuar në lirimin e pengjeve” dhe thotë se “Izraeli duhet të marrë çdo masë të mundshme për të parandaluar viktimat civile”.

“Ajo që duhet të bëjmë më shumë se çdo gjë tjetër është të parandalojmë demonizimin e njëri-tjetrit. Nëse nuk e bëjmë këtë, atëherë bëjmë punën e Hamasit për të.”-theksoi ai.

Blinken thotë se pauzat humanitare mund të ndihmojnë në mbrojtjen e civilëve dhe thotë se “ato mund të jenë një mekanizëm kritik”.

“Shtetet e Bashkuara vazhdojnë të besojnë se e vetmja rrugë e mundshme është një zgjidhje me dy shtete me izraelitët dhe palestinezët që kanë të drejtën legjitime për të qëndruar në një shtet të tyre,” shton ai.

LEXONI GJITHASHTU: 

• Erdogan: Pas luftës, Gaza duhet të jetë pjesë e një shteti të pavarur palestinez
• Vuçiç reagon ndaj lajmeve se është djai i gazetarit shqiptar: Krenar për babain tim