Blinken largohet nga Egjipti, niset për në Katar

Sekretari amerikan i Shtetit, Antony Blinken tashmë është larguar nga Egjipti. Bëhet e ditur se gjatë qëndrimit të këtij në Egjipt, ai ka zhvilluar bisedime për luftën mes Izraelit dhe Gazës.

Pas qëndrimit në Egjipt, Antony Blinken tani pritet të mbërrijë në Katar për bisedime të mëtejshme.

Presidenti i Egjiptit dhe kryediplomati amerikan kanë diskutuar përpjekjet ndërmjetësuese të Katarit, Egjiptit dhe SHBA-së për të arritur një armëpushim në Gaza dhe shkëmbimin e të burgosurve dhe robërve.

Në një deklaratë të presidencës egjiptiane thuhet se el- Sisi “pohoi se ka ardhur koha për t’i dhënë fund luftës së vazhdueshme, për t’iu drejtuar zërit të arsyes dhe urtësisë dhe për të mbështetur gjuhën e paqes dhe diplomacisë”.

Ai shtoi se “u zhvillua një diskutim rreth rezultateve të takimit negociues të mbajtur javën e kaluar në Doha dhe mënyrave për të lëvizur situatën dhe për të bërë përparim në bisedimet në vazhdim në Kajro”.

El-Sisi theksoi se një zgjerim i luftës në Gaza në një konflikt rajonal do të kishte “pasoja të paimagjinueshme”, thuhet në deklaratë.

LEXONI GJITHASHTU:

• Blinken: Irani mund të godasë Izraelin në orët në vijim, kur mund të ndodhë sulmi
• SHBA i vlerëson si “produktive” diskutimet e Blinkenit me homologun kinez