Blinken vlerëson kontributin e Nishanit në marrëdhëniet SHBA-Shqipëri

Sekretari amerikan i Shtetit Antony Blinken ka reaguar për ndarjen nga jeta të ish-presidentit Bujar Nishani.

Përmes një mesazhi në Twitter, Blinken vlerëson kontributin e ish-presidentit në marrëdhëniet me Shqipërisë dhe SHBA-ve.

“Ndajmë dhimbjen e popullit shqiptar për ndarjen nga jeta të ish-presidentit Bujar Nishani. Kontributet e tij në marrëdhëniet SHBA-Shqipëri dhe partneriteti ynë i qëndrueshëm do të lënë një trashëgimi të qëndrueshme”, shkruan zyrtari amerikan.

We share in the sorrow of the Albanian people on the passing of former President Bujar Nishani. His contributions to U.S.-Albanian relations and our enduring partnership will leave a lasting legacy. https://t.co/VLF4AKQeBp

— Secretary Antony Blinken (@SecBlinken) May 30, 2022

Ish-presidenti Bujar Nishani u nda nga jeta në moshën 56-vjeçare si pasojë e komplikimeve shëndetësore.

Nishani fillimisht mori ndihmën mjekësore në spitalin ‘Shefqet Ndroqi’ dhe pas rëndimit të gjendjes shëndetësore u dërgua në Gjermani.

Homazhet në nder të ish-presidentit do të mbahen të enjten në orën 10:00 në Pallatin e Kongreseve.

Bujar Nishani ushtroi detyrën e Presidentit të Shqipërisë nga 24 korriku i vitit 2012 deri në 24 korrik të vitit 2017.

LEXONI GJITHASHTU:

• Të enjten do të mbahen homazhe për ish-presidentin Bujar Nishani
• Kush ishte Bujar Nishani, presidenti më i ri i pluralizmit