Bllokimi i komisionit të reformës zgjedhore, OSBE në Kuvend, takim me Bledi Çuçin

Deputetët e Rithemelimit bllokuan këtë të premte punimet e komisionit të reformës zgjedhore, duke zënë karriget e përfaqësuesve të maxhorancës.

PS u detyrua të largohej, ndërkohë që në ambientet e Kryesisë së Kuvendit mbërritën përfaqësuesit e OSBE-së në Tiranë.

Përfaqësuesit e OSBE po mbajnë në këto momente një takim me kreun e grupit parlamentar të Partisë Socialiste, Bledi Çuçi.

Nuk dihet ende si do të vijojë puna e komisionit të reformës. Ndërohë që në një prononcim për media bashkëkryetari i komisionit në radhët e PS, Damian Gjiknuri tha se nëse opozita nuk dëshiron të bëjë pjesë atëherë do të gjendet një mënyrë tjetër për të ecur përpara.

“Këtu është pamundësi për të zhvilluar mbledhjen, fatkeqësisht nuk kishin sjellë dhe Oerd Bylykbashi nuk e kishin sjellë. Dhe Alibeajn mesa duket nuk e kanë lejuar të vijë për shkak të akteve vandale.

Opozita duhet të  jetë e para e interesuar për të bërë reformë zgjedhore në mënyrë transparente, siç është ky komision. Patjetër që Reforma do të ecë përpara, dhe në fund nëse opozita nuk do të bëjë pjesë, do të gjejmë një mënyrë tjetër për të ecur përpara”-tha ai.