“Bojkotojmë mësimin”, studentja e mjekësisë: Do kundërshtojmë pr.ligjin me çdo kusht

Studentja e mjekësisë Dea Guri tha në emisionin Review në Euronews Albania se do të kundërshtojnë me çdo kusht projektligjin e qeverisë, që siç tha i mban peng për 5 vjet diplomat e tyre.

Ajo u shpreh se studentët e mjekësisë do të bojkotojnë mësimin në tetor, pasi projektligji i miratuar nga qeveria shkel të drejtat e tyre për të lëvizur.

“Ky pr.ligj është cenimi i të drejtave të njeriut. Ne duam që sido që të jetë puna të na mundësohen kushtet e nevojshme që të lëvizim brenda Shqipërisë. Jo të gjithë e kanë mundësinë që të paguajnë koston që shteti na kërkon. Unë nuk bie dakord me kontratën që më cenon të drejtën e lëvizjes. Pse të më mbahet peng diploma ime pas 5 vjetësh studime? ne jemi të vendosur ta kundërshtojmë deri në fund dhe kemi paralajmëruar bojkotimin e vitit të ardhshëm”, tha studentja.

Për të ndjekur kanalin e youtube të Euronews Albania KLIKO KËTU!

LEXONI GJITHASHTU:

• “Ligji për studentët e mjekësisë i mirëmenduar”, zv.ministrja: Ja çfarë përfitojnë
• Studentët e mjekësisë në protestë: Anuloni projekt-ligjin ose do bojkotojmë vitin