”Boll më”, Lulzim Basha i ashpër me Ramën: Shtatë vite dhunë dhe terror ndaj familjeve shqiptare

Kryetari i Partisë Demokratike, Lulzim Basha, ka reaguar mbi zhvillimet e fundit në vend, ku vrasja e të riut Klodian Rasha nga efektivi i repartit “Shqiponja” ngriti në këmbë qytetarët në Tiranë, por edhe në qytete të tjera të vendit.

Prej dy ditësh protestuesit u përplasën më policinë dhe kërkuan dorëheqjen e Lleshit, kërkesë kjo,  e cila u realizua paDditen e sotme. Me një shënim në “Facebook”, kryedemokrati hodhi akuza të forta për kryeministrin Rama, ndërsa thotë se askush nuk e beson qeverisjen e tij.

Sipas Bashës, në shtatë vite qeverisje, kryeministri Edi Rama ka ushtruar dhunë dhe terror ndaj shqiptarëve. 

“Pas 7 vitesh dështime dhe premtime të pambajtura, 7 vite mashtrime, vjedhje dhe dështime, 7 vite dhunë dhe terror ndaj familjeve shqiptare, 7 vite rrënim dhe manipulime, askush se beson më Edi Ramën. Boll më”, shkruan Basha.

Largimin e ministrit të Brendshëm fillimisht e njoftoi kryeministri Rama, kurse z. Lleshaj më një status të gjatë në “Facebook” shpjegoi arsyet reale, të cilat sipas tij e shtynë të firmoste dorëheqjen e parevokueshme.

Lexoni gjithashtu:

Jep dorëheqjen ministri Sandër Lleshaj

PD për vrasjen e të riut, Alibeaj: Asnjë kurban s’e shpëton dot Ramën nga përgjegjësia

Hetimet për vrasjen e Klodian Rashës, Prokuroria kërkon ‘arrest me burg’ për efektivin

Vrasja e Klodian Rashës, Lleshaj: Organet do të finalizojnë shpejt hetimet

Publikohet ekspertiza paraprake, Rasha s’ka plumb në kokë, polici ka qëlluar dy herë