Bolsonaro shpallet fajtor për akuzat për grusht shteti

Ish-presidenti i Brazilit, Jair Bolsonaro, është shpallur fajtor nga Gjykata Supreme për komplot për grusht shtet, me qëllim që të mbetej në pushtet pas humbjes në zgjedhjet e vitit 2022. Kjo nënkupton se me shumë gjasa Bolsonaro do të dënohet me një burgim të gjatë.

Ky vendim erdhi pasi tre nga pesë gjyqtarët e Supremes kanë votuar për ta shpallur atë fajtor.

Gjykatësja Carmen Lucia ishte vota e tretë – që mundësoi arritjen e shumicës – nga pesë gjykatësit që e gjeti udhëheqësin e krahut të djathtë fajtor për komplot për grusht shtet, pasi ai humbi zgjedhjet ndaj Luiz Inacio Lula Da Silvas.

Megjithatë, vendimi ndaj Bolsonaros, 70 vjeç, do të bëhet përfundimtar, vetëm atëherë kur edhe gjyqtari i pestë të japë mendimin e tij.

Ish-kapiteni i ushtrisë mund të përballet me një dënim me burgim me më shumë se 40 vjet nëse gjendet fajtor për pesë akuzat, përfshirë udhëheqjen e një “organizate kriminale” si dhe për komplot për rrëzimin e presidentit aktual, Lula.

Gjyqtarja Lucia votoi për ta dënuar Bolsonaron për akuzën e krimit të organizuar, por ende nuk ka votuar edhe për katër akuzat e tjera.

LEXONI GJITHASHTU:

• Policia braziliane akuzon ish-presidentin Bolsonaro se tentoi grusht shteti
• Jair Bolsonaro kthehet në Brazil, për herë të parë që nga trazirat e 8 janarit