Bonusi i fundvitit për pensionistët, Malaj: 100 dhe 150 mijë lekë sipas pensionit

Ministri i Financave Petrit Malaj deklaroi se bonusi për pensionistët këtë fundvit do të jetë 100  dhe 150 mijë lekë të vjetra në varësi të pensionit të secilit.

Malaj theksoi se për pensionistët që marrin pension mbi 200 mijë lekë bonusi i fundvitit do jetë 100 mijë lekë, ndërsa kush ka pension nën 200 mijë lekë do të marri 150 mijë lekë bonus.

“Totali i fondeve të alokuara për bonusin e pensionistëve shkon në 9.7 miliardë lekë, duke përfshirë rreth 750 mijë pensionistë në të gjithë vendin”, deklaroi Malaj gjatë prezantimit në Komisionin e Ligjeve mbi ndryshimet në buxhet.

Gjatë raportimit në Komisionin e Ligjeve, Malaj deklaroi se deri në fund të mandatit, pensioni minimal do të jetë 200 euro ndërsa mesatari do të jetë 400 euro.

LEXONI GJITHASHTU:

• Pensionet do të rriten nga tetori, shtesa nga indeksimi rreth 500 lekë në muaj
• Qeveria do rritë buxhetin për pensionet e mbrojtjen, do reduktojë shpenzimet në SPAK