Bordi i Paqes njofton pranimin e Shqipërisë si anëtare themeluese e organizatës ndërkombëtare

Bordi i Paqes ka njoftuar zyrtarisht pranimin e Shqiperisë si anëtare themeluese të organizatës ndërkombëtare.

“Bordi i Paqes e mirëpret Shqipërinë si një anëtare themeluese të organizatës sonë ndërkombëtare në rritje”, thuhet në postimin e Bordit në rrjetin social X.

Bordi i Paqes u themelua zyrtarisht të enjten e 22 janarit në Davos, ku Presidenti i Shteteve të Bashkuara, Donald Trump, firmosi Kartën themeluese të nismës së re ndërkombëtare, gjatë një ceremonie te posaçme në kuadër të Forumit Ekonomik Boteror.

Ceremonia e nënshkrimit nisi me prezantimin e anëtarëve themelues të Bordit të Paqes, mes të cilive figura politike nga më pak se 20 vende.

Bordi, i kryesuar për një kohë të pacaktuar nga Trump, fillimisht u konceptua si një organ i kufizuar i ngarkuar me mbikëqyrjen e rindërtimit të Rripit të Gazës, i cili u shkatërrua nga lufta dyvjeçare e Izraelit.

Trump fillimisht e kishte propozuar Bordin e Paqes si pjesë të një faze të dytë të planit të armëpushimit prej 20 pikash në Gaza, të ndërmjetësuar nga SHBA-të, në shtator. Këshilli i Sigurimit i Kombeve të Bashkuara e mbështeti planin në nëntor, duke i dhënë legjitimitet ndërkombëtar, me një mandat për bordin që të mbikëqyrë demilitarizimin dhe rindërtimin e Gazës.