​’Borrell iu përshtat Serbisë’, Kurti jep detaje të reja për takimin në Bruksel

Në mbledhjen e qeverisë të mërkurën, kryeministri i Kosovës, Albin Kurti dha detaje të reja për takimin e së hënës me presidentin serb, Aleksandër Vuçiç në Bruksel.

Kurti deklaroi se në tekstin e marrëveshjes kanë qenë katër paragrafë, ku është shkruar edhe për planin franko-gjerman dhe dinamizimin për marrëveshje për normalizim të marrëdhënieve.

Por, sipas Kurtit, shefi i Politikës së Jashtme të BE-së, Josep Borrell ndryshoi premisën për marrëveshje, duke u fokusuar vetëm tek ujdia për targa.

Madje, kryeministri Kurti tha se ka pasur edhe një përpjekje të fundit për arritjen e marrëveshjes me përfshirjen e konkluzionit për planin franko-gjerman, mirëpo e njëjta u refuzuara nga presidenti serb Vuçiç.

Sot do të takohen në Bruksel, kryenegociatorët e Kosovës dhe Serbisë, Besnik Bislimi dhe Petar Petkoviç për të diskutuar zgjidhjen për çështjen e targave ilegale serbe.

Takimi do të zhvillohet me ndërmjetësim të të dërguarit të Bashkimit Evropian për dialogun, Miroslav Lajçak.

Me kërkesë të Shteteve të Bashkuara, Kurti e ka shtyrë për 48 orë zbatimin e fazës së dytë të vendimit për riregjistrimin e makinave me targa ilegale serbe në RKS.

LEXONI GJITHASHTU:

• Kryenegociatorët e Kosovës dhe Serbisë takohen sot në Bruksel për targat
• Albin Kurti: SHBA, shumë e përkushtuar për gjetjen e një zgjidhjeje për targat
• Ambasadori amerikan në Beograd: Angazhimi i Vuçiçit për targat është konstruktiv