Bosi i mafias shqiptare betejë ligjore në Britani, si po bllokon ekstradimin

Mediat britanike i kanë bërë jehonë rastit të një bosi të mafias shqiptare, i përfshirë në kultivimin e kanabisit përmes shtëpive të barit, i cili po lufton përmes avokatëve për të mos u ekstraduar në Shqipëri.

Toni Boboshi kontrollonte një rrjet prej 6 milionë paundësh të kanabisit në Britaninë e Madhe.

Gati 30 persona ishin të punësuar prej 49 vjeçarit shqiptar. Ai përdorte shqiptarët për të pastruar të ardhurat përmes llogarive të tyre bankare në Mbretërinë e Bashkuar.

Boboshi u dënua me gjashtë vjet në vitin 2018, por u lirua nga burgu pas 30 muajsh.

Sekretarja e Brendshme Suella Braverman dëshiron ta dëbojë atë, por ai ka nisur një betejë ligjore për të qëndruar në ishull.

Ai pretendon se do të ishte shumë e rëndë nëse ekstradohej, për djalin e tij autik, një shtetas britanik. Shërbimi i Provës vlerëson gjithashtu se Boboshi konsiderohet me një “rrezik të ulët” për të përsëritur veprën penale.

Gjyqtari i apelit do ta japë vendimin e tij në ditët në vijim. ‘Perandoria e Boboshit’, shkruan The Sun shtrihej në të gjithë veriperëndimin, Yorkshire dhe Wiltshire.

LEXONI GJITHASHTU:

• “E dashura e viktimës, nuk ngacmohej nga autori”- detaje nga vrasja e 20-vjeçarit
• “Jap 1 mln euro, na lini të ikim”- Oferta Ramazan Rrajës për policët që e arrestuan
• “Si je Ardian”- Zbardhet komunikimi i vetëm mes autorit dhe viktimës në Shëngjin