Bosnja shpall 11 korrikun si ditë zie dhe ditë përkujtimore për Srebrenicën

Në mbledhjen e kësaj të premteje, Qeveria e Federatës së Bosnjës dhe Hercegovinës, me propozimin e Ministrisë Federale të Punës dhe Politikës Sociale, miratoi një Vendim me të cilin 11 korriku i këtij viti shpallet Dita e Përkujtimit të Srebrenicës dhe Dita e Zisë në këtë zonë.

Në atë ditë, flamujt e Bosnjës dhe Hercegovinës do të valëviten në gjysmështizë në ndërtesat e autoriteteve legjislative, ekzekutive dhe gjyqësore, institucioneve publike, institucioneve dhe enteve të tjera juridike në territorin e Federatës së Bosnjë dhe Hercegovinës, njoftuan mediat federale.

Në përputhje me atë vendim, programet me karakter kulturor dhe argëtues nuk mund të mbahen në vende publike në Federatën e Bosnjë-Hercegovinës dhe shtëpitë e mediave lokale janë të detyruara të rregullojnë programet e tyre.

Sipas shpjegimit, vendimi është marrë për të shprehur ngushëllime për familjet e viktimave të Srebrenicës.

LEXO GJITHASHTU:

• Champions League| Hidhet shorti i raundit të parë, Egnatia përballë Bosnjës
• Dodik: Bosnja dhe Hercegovina është kolonia e fundit në Evropë