“Bota i ka sytë mbi ne”, Meloni porosi anëtarëve të partisë për kampet në Lezhë

Pothuajse dy vjet në detyrë, partia e ekstremit të djathtë “Vëllezërit e Italisë” u takua të mërkurën për të shqyrtuar përparimin e qeverisë dhe axhendën për muajt e ardhshëm.

Kryeministrja e Italisë, Giorga Meloni ka deklaruar në një raport drejtuar Ekzekutivit të partisë së saj se duhet që pala italiane të tregojë kujdes ndaj projektit të Kampit të Refugjatëve në Lezhë.

Nga raporti, mësohet se Meloni është shprehur kështu:

“Brenda pak javësh do të jetë gati Protokolli me Shqipërinë dhe ne duhet të jemi shumë të kujdesshëm dhe skrupuloz ndaj këtij projekti sepse sytë e botës i kemi mbi ne. Të gjithë e kuptojnë se kjo nismë mund të ndryshojë tërësisht mënyrën e menaxhimit të emigracionit të parregullt,”– shtoi ajo.

Kryeministrja e Italisë Georgia Meloni ka deklaruar se brenda pak javësh do të jetë gati protokolli në lidhje me qendrat e pritjes së emigrantëve në Gjadër dhe Shëngjin, por pa e qartësuar saktësisht se kur.

LEXONI GJITHASHTU:

• Meloni rifillon lidhjet me Kinën: Është vendi që do të menaxhojë tensionet globale
• Meloni bisedë me presidentin e Iranit: Shmangni përshkallëzimin në Lindjen e Mesme