‘Botë fantazmë serbe’, protestë kundër Open Balkan në Mal të Zi

Mijëra qytetarë në Mal të Zi kanë protestuar për të tretën herë brenda një muaji.

Këtë herë, përveç thirrjeve për zgjedhje të reja dhe tërheqjes së ligjit për presidentin, protestuesit i kërkuan kryeministrit Abazoviç që të heqë dorë nga dëshira për t’iu bashkuar nismës së Open Balkan.

Sipas tyre, hyrja në Ballkanin e Hapur është e papranueshme, dhe Mali i Zi duhet të hyjë në BE dhe jo në botën fantazmë serbe, siç e kanë quajtur këtë iniciativë rajonale.

Në protestë u dëgjuan thirrje kundër Abazoviç dhe presidentit të Serbisë, Aleksander Vuçiç.

Protestuesit kënduan himnin kombëtar dhe mbajtën flamujt e Bashkimit Evropian dhe të Shteteve të Bashkuara. Ata mbanin në duar pankarta ku lexohej ‘Ne ekzistojmë’.

LEXONI GJITHASHTU:

• Abazoviç: Ballkani i Hapur dhe Procesi i Berlinit nuk e pengojnë njëri-tjetrin
• Thirrja e Abazoviçit: Mali i Zi dhe Serbia të zgjidhin mosmarrëveshjet