BQE do të rrisë normat e interesit për të ulur inflacionin 

Kreu i Bankës Qendrore Evropiane (BQE), Christine Lagarde, tha sot se presionet mbi çmimet janë “të forta” dhe vuri në dukje se BQE do të rrisë normat e interesit mjaftueshëm për të ulur inflacionin dhe do t’i mbajë ato “për aq kohë sa të jetë e nevojshme”.

“Vendimet tona të ardhshme do të sigurojnë që normat bazë të interesit të sillen në nivele mjaft kufizuese për të arritur një kthim në kohë të inflacionit në objektivin tonë afatmesëm prej dy për qind. Normat e interesit do të mbahen në këto nivele për aq kohë sa të jetë e nevojshme,” – tha Lagarde.

Sipas AP, kreu i BQE-së vuri në dukje se inflacioni është barra më e madhe për njerëzit e zakonshëm, veçanërisht ata që kanë të ardhura të ulëta dhe shpenzojnë pjesën më të madhe të të ardhurave të tyre për ushqim dhe energji.

Inflacioni i lartë, veçanërisht në segmentin e ushqimit dhe energjisë, ka ngadalësuar ekonominë evropiane pasi konsumatorët janë të detyruar të shpenzojnë më shumë para për gjërat e nevojshme, duke u lënë atyre më pak për të shpenzuar për gjëra të tjera.

LEXONI GJITHASHTU:

• Bie inflacioni në Turqi, për herë të parë në 16 muaj zbret në 40%
• “Pagat rrisin çmimet”, Sejko: Nëse rritet produktiviteti, inflacioni do jetë i ulët