Braktiset fshati Belik në Cërrik, zona banohet vetëm nga 50 të moshuar

Fshati Belik në Cërrik dikur numëronte 100-150 banorë, por si shumë zona të tjera të vendit, mungesa e kushteve minimale të jetesës, bëri që zona të braktiset. Hamide Xhika 74-vjeç, dhe Flutura Lamçja 65-vjeç tregojnë për Euronews Albania se rinia është larguar për një jetesë më të mirë, duke lënë në fshat shtëpitë me nga dy apo një të moshuar.

“Kanë ikur, çfarë të bëjnë këtu, punë s’ka, gjë jo. Këtu nuk ushqehen, ne dy ushqehemi me pensionin tonë. Më vjen keq që ka ikur rinia dhe fshati ka ngelur bosh. Aq keq me vjen, nuk ke një njëri të llafosesh oj nën, me kë do llafosesh ja mu hap goja erdhe ti”, tha Hamide Xhika

Nga ana tjetër, Flutura Lamçja është shprehur se të rinjtë janë larguar në emigracion dhe ka mbetur vetëm mosha e tretë.

“Kanë ikur jashtë, në Gjermani, Itali, Greqi. Ka ngelur vetëm mosha e tretë, vetëm ne jemi. E vështirë është derisa je pa fëmijë, e vështirë është” theksoi Flutura Lamçja.

Banorët thonë se në fshat nuk kanë mbetur as 50 të moshuar. Dhe pse tashmë kushtet janë përmirsuar, të rinjtë nuk kanë mendje të kthehen, duke lënë edhe punët e bujqësisë për këtë moshë.

“Këtë vit prodhimi është i mirë, ka plot ndërsa vjet nuk pati, e kanë me vite. Vitin tjetër si dihet po këtë vit ka boll”, shtoi 74-vjeçarja Hamide Xhika.

Ata pak persona që jetojnë aty, punojnë në bujqësi dhe blegtori për të përmbushur kërkesat vetjake.

LEXONI GJITHASHTU:

• I kërkuar në Kosovë për drogë, kapet 27-vjeçari në Cërrik
• Rriten problemet e shëndetit mendor tek të rinjtë, mjeku: Shkak emigracioni dhe…