Brazili mbyll zyrat e X, reagon Musk: Gjyqtari brazilian do të na censurojë

X, i njohur më parë si Twitter, ka thënë se pret të bllokohet në Brazil pasi nuk ka arritur të përmbushë një afat për të emëruar një përfaqësues të ri ligjor për kompaninë.

Pronari i X, Elon Musk ka deklaruar se do të riaktivizojë llogaritë dhe e ka përshkruar Justice Moraes si një “tiran” dhe një “diktator”.

Gjyqtari Moraes i dha X 24 orë për të emëruar një përfaqësues të ri ligjor ose do të përballet me pezullimin, me afatin që vjen vetëm pas orës 20:00 të enjten.

Urdhri thoshte se ndalimi do të mbetej në fuqi, derisa X të emërojë një përfaqësues ligjor në vend dhe të paguajë gjoba për shkelje për ligjit brazilian.

“Së shpejti, ne presim që gjyqtari Alexandre de Moraes të urdhërojë mbylljen e X në Brazil, thjesht sepse ne nuk do të respektonim urdhrat e tij të paligjshëm për të censuruar kundërshtarët e tij politikë”, thuhet në postim. “Çështja themelore në lojë këtu është se gjyqtari de Moraes kërkon që ne të shkelim ligjet e Brazilit. Ne thjesht nuk do ta bëjmë këtë.”

X tha se nuk do të respektonte “në fshehtësi urdhrat e paligjshëm”, duke shtuar se do të publikonte kërkesat e gjyqtarit në ditët në vijim “në interes të transparencës”.

LEXONI GJITHASHTU:

• X mbyll zyrat në Brazil, gjykatësi paralajmëron pezullimin e platformës së Musk
• U tha se i dhuroi një CybertrucK kreut të Çeçenisë, Musk hedh poshtë pretendimet