Brenda “ferrit” në Gaza: Banorët, jetesë mes rrënojave de radhëve të gjata për bukë

Vazhdimi i bombardimeve dhe rrethimi total izraelit kanë vështirësuar më tej jetesën në qytetin e Gazës. Atje nuk ka ujë, nuk ka elektricitet dhe as karburante. Që prej së shtunës së kaluar, banorët jetojnë nën rrënoja ose në radhë të gjata pritjeje.

“Nuk ka elektricitet. Siç mund ta shihni, ujin e marrim nga ky rubinet. Ushqimet i marrim nëpër disa dyqane, blejmë ç’të mundemi”, deklaroi Muhammad Khudair, banor i Gazës deklaron.

Disa biznese janë ende të hapura, por furnizimi i tyre me energji është kthyer në një problem serioz. Rezervat me karburante po mbarojnë dhe prioritet janë spitalet dhe qendrat mjekësore. Gjithashtu, gjetja e një copëze bukë është një problem madhor.

“Ka shumë njerëz, ka radhë kudo. Kemi shkuar në të gjitha ushqimoret dhe kemi kaluar tre orë për të blerë një copë bukë. Kemi dërguar fëmijët në zona të ndryshme për të parë nëse mund të blihet diçka, por është shumë e vështirë”, u shpreh Abu Saeed, një tjetër banor i Gazës.

Bombardimet e Izraelit kanë shkatërruar jo vetëm infrastrukturën e Hamasit. Shumë shtëpi e biznese janë rrafshuar dhe dëshpërimi i pronarëve është i qartë.

“Çfarë u kemi bërë? Shikoni si na i kanë shkatërruar shtëpitë. Ne jemi civilë. Çfarë u kemi bërë atyre? Sa herë që ndërtojmë diçka, ata na e shkatërrojnë. Çfarë u kemi bërë? Ne duam të jetojmë si të gjithë njerëzit, të kemi liri lëvizjeje dhe jo luftë çdo vit”, tha Hassan Zidane, një pronar biznesi.

Autoritetet shëndetësore në Gaza kanë deklaruar se numri i të vdekurve nga bombardimet ka shkuar mbi 1.200, ndërsa ai i të plagosurve 5.700. OKB e ka cilësuar bllokadën një ndëshkim kolektiv të ndaluar nga ligji ndërkombëtar.

LEXONI GJITHAHSTU:

• Izraeli gati ofensivën në Gaza, hidhen fletëpalosje nga ajri për palestinezët. Apeli
• “Të zhdukim Izraelin”- Çfarë është Hamasi, doktrina dhe historiku i grupit militant
• Tmerri i Hamasit është gjithashtu një mësim mbi çmimin e populizmit