Koordinatorja për luftën kundër korrupsionit në Partinë e Lirisë, Brisilda Shehaj deklaroi se kryebashkiaku i Himarës, duhet të jetë në burg për shpërdorim detyre në lidhje me pronat në bregdet.
Në emisionin “Review” në Euronews Albania, Shehaj u shpreh se kryebashkiakë në vend, ndër ta dhe Goro, kanë marrë dhe dhënë prona në bregdet, pasi krijimit të disa komisioneve.
“Task Forca u ngrit, sepse asokohe kryeministri donte të bënte koorporatën e investimeve dhe duhet të evidentoheshin të gjitha pronat shtet, të cilat të mos administroheshin në duart e kryebashkiakëve. Për mua, i pari që duhet të jetë në burg është Jorgo Goro, sepse duhet të jetë në burg.
Të gjithë këta individë, të cilët iu dha e drejta që u krijuan këto komisione, kanë marrë, kanë shpërdoruar, kanë AMPT sipas qejfit. Ke prona jo bujqësore që janë ndarë me AMPT. Sot ka një mbivendosje shumë të madhe të këtyre letrave”, theksoi ajo.
Emisioni “Review” në Euronews Albania ka siguruar dokumentin në të cilin shihet se si ish-kreu i qarkut të Vlorës, Anesti Dhimojani i ka dhënë familjes së tij, 12 mijë metra katrorë tokë në bregdet.
Tjetërsimin e pronës, Dhimojani e ka kryer teksa mbante këtë detyrë publike.
LEXONI GJITHASHTU
- Tjetërsimi i pronave në Himarë, Artan Lame: Prokuroria po i shkon me themel çështjes
- Ekskluzive | Si i dha ish-kreu i qarkut Vlorë 12 mijë m2 tokë familjes së tij
- Brisida Shehaj: Kryebashkiaku i Himarës duhet të jetë në burg për pronat në bregdet
