Një 19-vjeçar është shpallur fajtor për vrasjen e nënës, vëllait dhe motrës së tij, ngjarje e ndodhur në Luton një vit më parë. Tashmë, Nicholas Prosper u paraqit para Gjykatës së Kurorës në Luton, ku pranoi përgjegjësinë për vdekjen e Juliana Falcon, 48 vjeç, Giselle Prosper, 13 vjeçe dhe Kyle Prosper, 16 vjeç.
Trupat e viktimave u gjetën në një banesë në Leabank, pranë Wauluds Bank Drive, gjatë muajit shtator. Gjatë seancës gjyqësore këtë të hënë, Prosper konfirmoi identitetin e tij dhe u deklarua fajtor për tre akuza për vrasje.
Po ashtu, ai pranoi disa akuza të tjera, përfshirë blerjen e një arme gjahu pa certifikatë, mbajtjen e një arme gjahu me qëllim rrezikimin e jetës dhe posedimin e një thike kuzhine në një vend publik. Prosper do të dënohet më 5 mars dhe i është caktuar masa e paraburgimit.
LEXONI GJITHASHTU:
- Policia britanike në alarm: Asnjë gjurmë nga 23-vjeçarja e zhdukur prej pesë ditësh
- Goditi me grusht qytetarin, dënohet me burg deputeti britanik
