Britania deporton emigrantët e paligjshëm në Ruandë, avioni i parë niset këtë verë

Kryeministri britanik Rishi Sunak tha sot se avioni i parë që kthen azilkërkuesit në Ruandë do të fluturojë për në vendin afrikan pas 10 deri në 12 javë, si pjesë e planeve të qeverisë për të luftuar migracionin e paligjshëm.

Sunak tha se nuk dëshironte të zbulonte detajet e sakta të planit, por shtoi se qeveria kishte bërë përgatitje konkrete për kthimin e azilkërkuesve, raporton Reuters.

“Mund të konfirmoj se vendndodhja për pikën e ngritjes është përcaktuar, se fluturimet komerciale charter janë planifikuar dhe se ne kemi 500 individë të trajnuar shumë të gatshëm për të shoqëruar emigrantët e paligjshëm në Ruanda dhe ne do të punësojmë 300 persona të tjerë në javët e ardhshme”, tha Sunak.

Qeveria e Rishi Sunak ka hartuar legjislacionin që do të lejonte deportimin e azilkërkuesve nga Ruanda dhe Sunak i ka bërë thirrje dhomës së lartë të parlamentit britanik, Dhomës së Lordëve, që t’i japë fund bllokimit të legjislacionit kyç që do t’i lejonte autoritetet të dëbonin azilkërkuesit në Ruandë.

Gjykata e Lartë e Britanisë së Madhe vendosi vitin e kaluar se plani për kthimin e azilkërkuesve në Ruandë është i paligjshëm, sepse Ruanda nuk është një vend i sigurt për refugjatët.

Vendimi thotë se azilkërkuesit përballen me një “kërcënim real të keqtrajtimit” dhe se Ruanda mund t’i kthejë ata në vendet e tyre të origjinës.

Megjithatë, konservatorët duan të dërgojnë një numër të caktuar azilkërkuesish në Ruandë për të penguar emigrantët të kalojnë Kanalin me varka të vogla.

LEXONI GJITHASHTU:

• Britania e Madhe reagon për protestën para Bashkisë: Molotovi s’ka vend në demokraci
• Britania e Madhe dhe SHBA vendosin sanksione ndaj Iranit