Starmer njofton pas mbylljes së samitit që mblodhi liderët evropian, se qeveria e Mbretërisë së Bashkuar do të lejojë Ukrainën të përdorë 1.6 miliardë paund nga financimi i eksportit të Mbretërisë së Bashkuar për të blerë më shumë se pesë mijë raketa të mbrojtjes ajrore.

Ai thotë se këto do të bëhen në Belfast, duke krijuar vende pune në sektorin e mbrojtjes të Mbretërisë së Bashkuar.

Starmer shton më tej se qëllimi është ta vendosë Ukrainën në pozicionin më të fortë, në mënyrë që të mund të negociojnë nga një pozicion i fortë.

Kryeministri britanik u shpreh se aleatët e Ukrainës do të diskutojnë planet për t’i dhënë fund luftës me SHBA-në për të ecur përpara së bashku.

Starmer thekson se ai ka pritur liderët evropianë në Londër për të punuar së bashku për sigurinë e MB-së, Uklrainës dhe Evropës në tërësi.

“Mbretëria e Bashkuar, Franca dhe të tjerët kanë rënë dakord të punojnë me Ukrainën “në një plan për të ndaluar luftimet. Më pas ai plan do të diskutohet me Shtetet e Bashkuara, dhe ai plan do të na çojë përpara së bashku”, shtoi Starmer.

LEXONI GJITHASHTU:

• Përfundon takimi me liderët evropian, Starmer jep mesazhin e parë pas Samitit
• Samiti me liderët evropian, Von der Leyen: Duhet që të përgatitemi për më të keqen