Ambasada e Mbretërisë së Bashkuar në Kiev do të rihapet javën e ardhshme, tha kryeministri Boris Johnson në një konferencë shtypi.

Johnson tha se “qëndrueshmëria dhe suksesi i jashtëzakonshëm” i presidentit ukrainas Volodymyr Zelensky dhe popullit në rezistencën ndaj forcave ruse do të thotë se Mbretëria e Bashkuar është në gjendje të ndërmarrë këtë hap për të rihapur ambasadën.

Ai tha se Mbretëria e Bashkuar dhe aleatët nuk e shikojnë pasivisht vazhdimin e sulmit të Rusisë dhe se do të dërgonte më shumë artileri për forcat ukrainase dhe konfirmoi se ambasada e qeverisë britanike do të rihapet në kryeqytetin ukrainas muajin e ardhshëm.

“Mbretëria e Bashkuar dhe aleatët tanë nuk do të shikojnë pasivisht vazhdimin e sulmit të Vladimir Putin ku do dërgojmë më shumë artileri”, tha ai.

Njoftimi i zotit Johnson vjen një ditë pasi Spanja tha se do të rihapë ambasadën e saj në Kiev.

LEXONI GJITHASHTU:

• OKB e cilëson luftën në Ukrainë ‘histori tmerri të shkeljeve të të drejtave’
• Australia vendos sanksione ndaj 2 vajzave të Putin
• Kush e kontrollon Mariupolin? Pretendimi i rusëve dhe reagimi i SHBA-së