Broja rikthehet te Chelsea, Everton nuk bindet nga sulmuesi shqiptar

Armando Broja është rikthyer te ekipi i Çelsit, ndërsa periudha e huazimit tek Evertoni ka përfunduar. Sulmuesi shqiptar u aktivizua në 11 ndeshje me Evertonin, por pa mundur të bindë teknikun Dejvid Mojes, për ti siguruar atij një kontratë.

Rrugëtimi i Brojës me Evertonin ka përfunduar, e sulmuesi shqiptar do të duhet të kthehet sërish në Londër te Chelsea. Lajmi është bërë i ditur nga vetë faqja zyrtare e ekipit ku shqiptari u aktivizua për 11 ndeshje. Broja duket se nuk e ka bindur trajnerin David Moyes, i cili i ka përshëndetur të 4ët futbollistët që qëndruan në formë huazimi në ekipin që ai drejton.

Ne do të dëshironim të falënderonim lojtarët tanë që ishin në huazim, të cilët kontribuuan në hapat pozitive që bëmë në fushë. Të gjithë ata përqafuan atë që do të thotë të luash për këtë klub dhe sjellja e tyre dhe përkushtimi gjatë periudhës te Evertoni ishte e klasit të parë. I urojmë Xhek, Xhepser, Orel dhe Armandos më të mirat në karrierën e tyre” deklaroi Moyes.

Armando Broja po kalon një periudhë aspak pozitive në karrierën e tij, ku shpesh është penalizuar nga dëmtimet, të cilat i kanë shkaktuar jo pak probleme. Edhe në huazimin tek Evertoni ishte e njëjta situatë me sulmuesin shqiptar që në disa prej ndeshjeve mungoi pikërisht për këtë arsye. Tanimë pritet që ai ti bashkohet Chelseas, aty ku drejtuesit do të shohin për një tjetër skuadër të interesuar për shërbimet e 23-vjecarit, pasi më herët kanë deklaruar se në Stamford Bridge nuk ka vend për të.

LEXONI GJITHASHTU:

• Dëmtimet e sulmuesit, ish-futbollisti i Kombëtares: Ku gaboi Armando Broja
• “Vlen 15 milionë €”, gazetari kritikon Sylvinhon: Si është e mundur që Muçi nuk luan