Rikthimi i tij në fushë pritej në muajin nëntor, e madje të ishte i grumbulluar me kombëtaren shqiptare për ndeshjet e Nations League, por Broja nuk është rikuperuar plotësisht.
Sulmuesi 23-vjeçar vijon përgatitjet individuale dhe në komunikim të vazhdueshëm me mjekët e Evertonit. Sipas mediave britanike, futbollistit do ti duhet ende kohë për të qenë gati, por tek skuadra nga Liverpool pritet me ngulm rikthimi i tij.
Më herët ishte përfolur se Broja do të ishte gati në mesin e muajit nëntor, por kjo gjë nuk ka ndodhur, ndërsa rikuperimi ecën me hapa të kënaqshëm. Tendina e akilit ishte një shqetësim për të dhe ndaj faza e rikuperimit do të marrë kohën e saj, me Brojën që do të kthehet në fushë në fillim të dhjetorit.
Lojtari do të marrë gradualisht ngarkesën e duhur, ku pritet që Evertoni të zhvillojë teste miqësore me 21-vjecarët, aty ku Broja do të marrë minutat e para. Nëse gjithçka shkon mirë, lojtari do të vihet nën urdhrat e trajnerit Shon Dais. Ekipi ka nevojë për të pasi aktualisht renditet në vendin e 16-të në tabelë, 3 pikë larg zonës së ftohtë.
LEXONI GJITHASHTU:
- Armando Broja mbetet në Premier League, huazohet nga Evertoni
- Broja kryen testet mjekësore te ekipi i ri, shumë pranë firmosjes së kontratës
