Armando Broja mbetet në Premier League, huazohet nga Evertoni

Sulmuesi shqiptar Armando Broja ka kaluar nga Chelsea tek Everton në formë huazimi për një sezon.

Klubi nga Liverpuli prej kohësh ishte në kërkim të 22-vjeçarit shqiptar, dhe këtë gjë e ka arritur vetëm minutat e fundit të merkatos së futbollit për këtë verë.

Marrëveshja përfshin opsionin për ta bërë transferimin të përhershëm verën e ardhshme për shumën e 30 milionë paundëve.

“Duke monitoruar udhëtimin e Armandos për disa vite, jemi shumë të kënaqur që kemi mundësinë ta marrim atë në klubin tonë. Armando është ende një lojtar i ri, por që ka krijuar tashmë përvojë mbresëlënëse. Po flasim për një sulmues që ne mendojmë se ka shumë më tepër potencial se sa ka treguar deri tani”, tha drejtori i futbollit të Evertonit, Kevin Thelwell.

LEXONI GJITHASHTU:

• Ipswich dhe Chelsea në bisedime të avancuara për futbollistin shqiptar Armando Broja
• Broja kryen testet mjekësore te ekipi i ri, shumë pranë firmosjes së kontratës