Komisioni Evropian zbuloi të enjten propozime për të rritur kapacitetet e mbrojtjes kibernetike të bllokut dhe për ta bërë më të lehtë dhe më të shpejtë për forcat e armatosura kalimin e kufijve të brendshëm.

“Mjedisi i sigurisë në Evropë ka ndryshuar në mënyrë dramatike që kur lufta e shkurtit të kaluar është kthyer në kufijtë tanë,” u tha gazetarëve kryediplomati i bllokut, Josep Borrell. “Ne duhet të përshtatim politikat tona të mbrojtjes me këtë mjedis të ri.”

Plani do t’i shihte shtetet anëtare të vlerësojnë nëse infrastruktura e tyre e transportit, nga portet dhe aeroportet deri te rrugët, tunelet dhe urat, mund të përdoren nga pajisje të rënda ushtarake.

Më pas fondet e BE-së do të kanalizohen për të mbushur boshllëqe të rëndësishme me një theks në infrastrukturën me përdorim të dyfishtë, që do të thotë se ato mund të përdoren si për qëllime civile ashtu edhe për qëllime ushtarake.

Por çështja nuk është vetëm me infrastrukturën fizike. Komisioni po bën thirrje gjithashtu për mjete të përbashkëta dixhitale.

Në frontin e sigurisë kibernetike, Komisioni Evropian propozoi krijimin e instrumenteve të reja duke përfshirë një Qendër të Koordinimit të Mbrojtjes Kibernetike të BE-së, si dhe një rezervë kibernetike të nivelit të BE-së me shërbime nga ofruesit privatë të besuar për të rritur bashkëpunimin dhe koordinimin midis shteteve anëtare.

LEXONI GJITHASHTU:

• Italia përplaset me KE-në, Brukseli: Lejoni zbarkimin e emigrantëve
• SHBA-ja ndihmë të re për ushtrinë ukrainase