Bujar Osmani me homologun bullgar: Palë të treta duan mosmarrëveshje

Maqedonia e Veriut dhe Bullgaria po tentojnë të mënjanojnë tensionet mes dy popujve dhe gjuhën e urrejtjes duke bashkëpunuar në fusha të ndryshme kulturore e biznesi.

Ministri i Jashtëm, Bujar Osmani gjatë një konference për media me ministrin e Jashtëm bullgar tha se afrimi i popujve do e mënjanojë ndikimin e palëve të treta që duan mosmarrëveshje mes shteteve fqinje.

Mënyra më e mirë për pengimin e gjuhës së urrejtjes është dominimi i fjalorit pozitiv mes shteteve, tha Osmani.

Ndërsa, ministri i Jashtëm bullgar Nikollaj Millkov theksoi se gjuha irredentiste nuk është qëndrimi i Sofjes zyrtare dhe përshëndeti hapjen e klubeve bullgare në Maqedoninë e Veriut.

“Numri i klubeve bullgare po rritet, ndërsa kjo është një shenjë e mirë se bullgarët në RMV kështu i theksojnë interesat e tyre etnike. Presim prej RMV-së që të sigurojë ambient të mirëkuptimit, klubet të jenë ura të mirëkuptimit dhe të mos jenë arsye shtesë për urrejtje”, u shpreh Nikollaj Millkov, ministër i jashtëm i Bullgarisë.

Për të ndërtuar më shumë ura komunikimi, u mbajt edhe një forum biznesesh nga Maqedonia dhe Bullgaria ku morrën pjesë mbi 150 përfaqësues të forumit biznesor.

LEXONI GJITHASHTU:

• Vdekja e të riut nga Kosova në burgun në Serbi, Zogaj: Pse u ndalua nga forcat serbe
• 28-vjeçari nga Kosova vdes në burg në Serbi, i ati: E kanë vrarë
• https://euronews.al/tensione-ne-veri-2-shperthime-shok-bombash