Bullgaria përjashtohet nga embargoja ruse e naftës deri në fund të 2024

Bullgaria është përjashtuar nga embargoja e Bashkimit Evropian ndaj naftës ruse deri në fund të vitit 2024, tha kryeministri bullgar Kiril Petkov para gazetarëve të martën në Bruksel, raporton CNN.

Detaje të mëtejshme mbi përjashtimin do të zbulohen brenda dy ditësh, tha Petkov ndërsa mbërriti për ditën e dytë të një takimi të jashtëzakonshëm të Këshillit Evropian për Ukrainën.

Petkov tha se përjashtimi do t’i japë Bullgarisë kohë për të përshtatur rafinerinë e saj për të përpunuar naftë tjetër.

Ai tha gjithashtu se është i kënaqur që raundi i gjashtë i sanksioneve të BE-së ndaj Rusisë do të miratohet dhe se flukset financiare të Rusisë do të ndalen.

Udhëheqësit e Bashkimit Evropian ranë dakord të hënën të ndalojnë shumicën e importeve të naftës ruse si pjesë e një pakete të re sanksionesh kundër Moskës.

LEXONI GJITHASHTU:

• Embargoja e naftës, Borrell: Ndërpremë financimin për makinerinë ruse të luftës
• BE embargo të pjesshme naftës ruse, ndalohet importi përmes detit