Bulqizë| Shkon në 70 numri i personave që i janë drejtuar spitalit me shenja helmimi

Ka shkuar në 70 numri i personave që i janë drejtuar spitalit në Bulqizë me shenja helmimi.

Sipas burimeve për Euronews Albania, bëhet me dije se vetëm ditën e sotme janë paraqitur në spital 13 persona, me të njëjtat simptoma.

Mes tyre ka edhe fëmijë. Ende është e paqartë çfarë e ka shkaktuar helmimin e tyre, por paraprakisht nuk dyshohet që helmimi të ketë ardhur si pasojë e ujit të pijshëm.

Pacientët nuk janë nga e njëjta zonë, por nga disa fshatra dhe lagje të qytetit.

Njoftimi i policisë:

Komisariati i Policisë Bulqizë, ka marrë njoftim se disa shtetas banorë të bashkisë Bulqizë, ishin paraqitur në spital për ndihmë mjekësore me simptoma helmimi.

Me marrjen e njoftimit është ngritur grupi hetimor dhe nën drejtimin e Prokurorisë kanë nisur hetimet për zbardhjen e rrethanave dhe përcaktimin e shkakut të helmimit.

Në përfundim të hetimeve, do të ketë informacion më të detajuar.

LEXONI GJITHASHTU:

• 30 persona shkojnë në spitalin e Bulqizës, dyshohet se janë helmuar
• Abuzoi me prokurimet në spitalin e Lushnjës, në gjykim përgjegjësi i teknikës