Bumçi: Çfarë mund të bëjë BE që vendet kandidate të jenë pjesë e saj

Ish-ministri i jashtëm Aldo Bumçi tha se Bashkimi Evropian mund të përshpejtojë proceset që vendet kandidate të bëhen pjesë e saj.

Në një intervistë për Euronews Albania, Bumçi theksoi se BE duhet të japë fonde për vendet përpara se ato të anëtarësohen,  ndërsa shtoi se duhet të tregojë që vërtetë kërkon të shohë ndryshime në këto  vende.

“BE mund të bëjë dy gjëra, e para është një lajm shumë i mirë që publiku në Europë është pro integrimit, pra zhvillimet në Ukrainë nuk kanë krijuar çoroditje por kohezion. Ky është lajm shumë i mirë që duhet kapur nga të gjitha vendet tona dhe mos të lëmë këtë që të na humbë.

BE ndihmon në dy drejtime, një vullnet i qartë politikë do të thotë që ata të rrisin vëmendjen, fondet, pra të krijojnë mundësi që qytetarët e Ballkanit dhe buxhetet tona, të marrin fonde përpara anëtarësimit.

E dyta është që t’i thonë gjërat me emër, të tregojnë që ata duan të shohin ndryshim. Kjo është një gjë që ka munguar në Shqipëri dhe në Kosovë”- theksoi ai.

LEXONI GJITHASHTU: 

• Bushati sqaron përplasjen me Veliajn: Merret me biografinë time njësoj si Berisha
• Hyseni: Lufta e popullit shqiptar s’ka pse të pastrohet, fjalimi i Ramës i duhuri