Burg kritikut të luftës, gjykata në Moskë dënon me 7 vjet zyrtarin

Një zyrtar i pushtetit vendor të Moskës është dënuar me 7 vjet burg pasi u shpreh kundër luftës në Ukrainë.

Bëhet fjalë për dënimin e parë të plotë të dhënë në kuadër të ligjeve që vënë në shënjestër kritikët.

Aleksei Gorinov, 60 vjeç, u arrestua në prill pasi u filmua teksa kritikonte luftën në një mbledhje të këshillit bashkiak të Moskës.

Rusëve u ndalohet të përdorin fjalën “luftë” për të përshkruar pushtimin.

Presidenti Putin e ka përkufizuar atë me frazën “operacion ushtarak special”, edhe pse ai e përmendi termin “luftë” gjatë një fjalimi të mbajtur të enjten në Parlament.

LEXONI GJITHASHTU

• Rusi, këshilltari bashkiak në gjyq për përhapje të lajmeve të rreme