Burg për 29-vjeçaren që aksidentoi për vdekje një këmbësor dhe plagosi tre të tjerë

Gjykata e Tiranës caktoi masën e sigurisë “Arrest me burg” per 29-vjeçaren, Elinta Garo.

Ajo do të qëndrojë në burg për 30 ditë, deri në kryrjen e ekspertizës auto-teknike të automjetit ajo drejtonte.

Garo është përlotur në sallë dhe nuk ka pranuar të ketë qenë duke përdorur celularin në momentin e aksidentit që i mori jetën 60-vjeçarit, Begzan Hyseni.

Aksidenti ndodhi të hënën më datë 15 gusht në zonën e Parkut Olimpik, ku si pasojë e humbjes së kontrollit, e reja përplasi 4 persona, çiftin Begzan dhe Valentina Hyseni, 27-vjeçaren Alkuna Telaj dhe një fëmijë.

Fatkeqësisht, 60-vjeçari nuk i mbijetoi dot plagëve të marra dhe humbi jetën në spitalin e Traumës, ndërkohë të aksidentuarit e tjerë kanë lënë spitalin.

LEXONI GJITHASHTU

• Aksidenti te “Kodra e Diellit”, ndërron jetë një prej të plagosurve
• Arrestohet 29-vjeçarja që aksidentoi 3 këmbësorë te “Kodra e Diellit”
• Aksident në Tiranë, 3 të lënduar