Burg për radikalin, Gjergj Laçi mohon akuzat

Gjykata e Tiranës ka caktuar masën arrest në burg për Gjergj Laçin i cili akuzohet së ka mbajtur të ngujuar familjen e tij për 6 vite.

Në seance 52-vjeçari ka pretenduar se nuk ka ushtruar dhunë ndaj dy djemve dhe gruas dhe se nuk i ka penguar që të dalin jashtë.

Sa i takon mos dërgimit në shkollë të fëmijëve ai ka deklaruar se nuk kanë pasur nevojë ndërsa për fishekët dhe thikat është shprehur se i mbante për punë.

Avokati i tij i caktuar kryesisht dhe mundësuar nga shteti kërkoi kryerjen e një ekspertizë psikike për Gjergj Laçin mbi të cilin rëndojnë akuzat e dhunës në familje, keq trajtimit të të miturve dhe armëmbajtje pa leje.

Xherxh apo Gjergj Laçi nuk ishte një emër i panjohur për policinë pasi më herët ishte arrestuar dhe dënuar për armëmbajtje pa leje. Madje për neutralizimin e tij në vitin 2013 u thirrën forcat RENEA.

Fillimisht policia e rendit mbërriti në vendngjarje ndërsa më pas ishin forcat speciale që e neutralizuan.

Laçi u dënua për armëmbajtje pa leje dhe prishje të qetësisë publike ndërsa tashmë pas 9 vitesh ndaj tij do të rëndojnë 3 akuza të tjera.

LEXONI GJITHASHTU:

• Kush është Gjergj Laçi, radikali që terrorizonte banorët e ‘5 Majit’
• Motra e radikalit fetar tregon çfarë i tha kunati i Gjergj Laçit